Til tilbreytingar kemur hér síða sem fór í einn jólapakkann. Þessi fallega brúður er systurdóttir mín sem gifti sig á árinu :o) Blómin eru ekki alveg svona gul í raun og veru heldur líkari mottunni og ræmunni neðst.
Annað skírnarkort, í þetta sinn fyrir stelpu.
Vá, það er orðið langt síðan ég hef tekið þátt í áskorun! Á A spoon full of sugar blogginu er ein auðveld þessa vikuna, "Anything goes". Það hlýtur að þýða að maður megi taka þátt með hverju sem er :o) Þá er best að ég skelli þar inn þessu skírnarkorti.
Afmæliskort fyrir eins árs strák innblásið af kortunum hennar Donnu. Það vill til að það er tiltölulega einfalt að teikna upp töluna 1, en ef mér skyldi nú detta í hug að nota tölu eða staf sem er flóknari í laginu þarf ég líklega að kaupa skabalón frá henni :o) Ég ætlaði ekki að hafa mikið af blómum þar sem þetta er strákakort, en hef líklega gleymt mér aðeins.
Með þessu brúðkaupskorti tek ég þátt í skissuáskorun vikunnar á Friday Sketchers blogginu.
Tvö samúðarkort í viðbót. Ég dýrka þessi blóm frá I am roses, það er svo óendanlega gaman að nota þau :o)
Ég var beðin að gera slatta af samúðarkortum og hér koma fyrstu tvö. Ett trykk var með fína skissu fyrir svona einföld kort í september-áskorun sinni þannig að það var upplagt að nota hana og taka þátt í leiðinni. Þetta eru líka fyrstu kortin þar sem ég nota nýju fínu blómin mín, þau pantaði ég af I am roses og nú er hún orðin nýja uppáhaldsbúðin mín :o)
Með þessari afmælisgjöf handa vinkonu tek ég þátt í skissuáskorun vikunnar á Sketch Saturday blogginu. Mig langaði að prófa að gera svona "trönukort" og skellti einni skúffu undir til að setja í skartgripi sem ég gerði líka. Þetta er því heimaframleiðsla frá A til Ö :o)
Frekar fljótlegt kort sem ég gerði handa fertugri vinkonu. Myndin er víst eitthvað óskýr en er betri ef maður smellir á hana og skoðar hana stærri.
Ég var beðin að gera tvö brúðkaupskort, annað átti ekki að vera með mynd af brúði í brúðarkjól, þess vegna hafði hana í lituðum kjól og ekki með brúðarvönd. Vonandi verður sú sem pantaði kortin ánægð :o)
Annað golfkort gert eftir sömu skissu og það síðasta, þessi skissa er svo Önnuleg að ég á örugglega eftir að nota hana oft :o) Ég dró fram gamla tíglótta Chatterbox pappírinn minn sem ég hef ekki notað mjög lengi, hann er eitthvað svo golflegur.
Þetta kort gerði ég með þrjár áskoranir í huga: Skissan er af Sketch Saturday, á High Hopes á að nota stjörnur og á Cute Card Thursday er þemað sumar.
Ég skreytti spegil frá IKEA og gaf frænku minni í afmælisgjöf. Myndin er af hundinum hennar.
Bildmålarna eru að byrja með áskoranir á blogginu sínu. Það þarf að nota stimpil frá þeim og fyrsta áskorunin er að gera sumarkort. Mér finnst þessi stimpill svo sumarlegur.
Síðasta kortið mitt sem gestahönnuður hjá Papertake Weekly :o( Það var rosa skemmtilegt að prófa þetta en allt tekur víst enda um síðir ;o) Í þetta sinn er skissa til að fara eftir og auka valkostur að nota gult og fjólublátt til heiðurs styrktaraðila vikunnar sem er netverslunin Lilac Lemon Designs.
Þriðja vikan mín sem gestahönnuður hjá Papertake Weekly og því miður bara ein vika eftir :o/ Ég er búin að hafa rosa gaman af þessu :o)
Þetta er önnur vikan mín sem gestahönnuður hjá Papertake Weekly. Ég speglaði skissuna til fella hana betur að myndinni sem mig langaði að nota.
Ég bjó til sett af sex prjónamerkjum og gaf þau góðri konu sem litla þakkargjöf.
Jibbí !! Ég varð þess heiðurs aðnjótandi að fá að vera gestahönnuður á Papertake Weekly blogginu í 4 vikur !! Þessa vikuna er áskorunin að nota blóm (ehh ... ekki mikil áskorun fólgin í því sosum!!) og þetta er kortið mitt. Ég er enn í vintage-ham og prentaði myndina út af netinu. Fannst soldið sniðugt að nota blaðsíðu úr gamalli bók þar sem sagan er um fugla :o)
Tvö fermingarkort sem ég gerði nýlega / Two confirmation cards that I made a few days ago.
Box eftir uppskrift frá Randi og 6 lítil tækifæriskort í stíl. Gaf þetta sem hluta af lítilli afmælisgjöf í dag.
Þegar ég sá fyrir nokkrum dögum flotta kringlótta boxið sem Maya gerði mundi ég eftir staflanum af Dímon-boxum sem hefur safnast upp hjá mér og ég ekki tímt að henda. Ég tók mig því til í dag og skreytti eitt slíkt og ætla að skrá það til leiks á Cute Card Thursday bloggið þar sem áskorunin þessa vikuna er "dimensions" sem gefur til kynna að sköpunarverkið eigi að vera allt annað en flatt :o)
Ég var beðin að gera annað fermingarkort svipað því sem ég setti hér inn fyrir tæpum 2 vikum. Fattaði þegar ég var að gera þetta að ég nota þennan bláa lit nánast aldrei!!