Þetta jólakort gerði ég eftir skissu vikunnar á Friday Sketchers áskoranablogginu. Ég er nú ekki alveg nógu ánægð með það en læt það samt flakka.
Tvö jólakort í viðbót. Þessi gerði ég eftir skissum á blogginu hennar Katharinu. Skissurnar hennar eru frábærar, það er auðvelt að finna einhverja sem hentar því sem maður er að gera hverju sinni.
Jæja, nú er ég komin í jólakortagírinn :o) Þetta er mitt framlag í áskorun vikunnar á norska Sukkersött blogginu. Í þetta sinn á að nota tvo liti, grænt og brúnt. Vonandi slepp ég með hvítu snjókornin !! Það er smá glimmer á loðnu köntunum á fötunum hennar þó það sjáist ekki vel á myndinni.
DT-ið hjá Scrapmagasinet er með áskorun að gera eitthvað annað en kort. Þessi minnisblokk er alls ekki stór, ég vona að ekki sé stærðarlágmark þannig að hún sé gilt framlag. Neðri myndin sýnir bakhliðina.
Katharina í Whiff of Joy netversluninni er að leita að gestahönnuði fyrir 2 mánuði og er því með áskorun í gangi. Ég geri mér sko engar vonir um að hreppa hnossið, heilu kippurnar af klárum kortakonum eru búnar að senda inn kort. En það er samt meiriháttar gaman að taka þátt þannig að ég gerði þetta kort eftir skissu #28 á blogginu hennar Katharinu. Mig langaði að prófa að gera svona kort sem er ekki með heilli framhlið og þetta er útkoman.
Áskorun vikunnar á norska kortablogginu Sukkersött er að nota eitthvað sem ekki telst venjulegt skrappdót. Ég fór í gegnum skúffur og skápa og lagði hausinn í bleyti og þetta er útkoman. Ég flatti út lok af dós undan myntum, notaði álpappír bæði undir myndina og í ræmum og til mótvægis við allt þetta glansandi pönsaði ég út hring úr sandpappír. Og ef maður vill pæla voða djúpt má vel tengja álið við flugvélina því flugvélar eru jú smíðaðar úr áli, ekki satt? ;o)
Áskorun vikunnar á Cute Card Thursday áskoranablogginu er "matur". Ég bætti vatnsflösku frá Eat Cake á picnic-teppið hjá þessari sætu hÄnglar-stelpu af því að það er hollt að drekka vatn ;o) og notaði textastimpil frá Scrapmagasinet.
Stelpurnar í DT-inu hjá Scrapmagasinet eru með nýja skissu á DT-blogginu. Ég speglaði skissuna til að myndin passaði betur og fannst hæfa myndinni og textastimplinum að nota hressilega liti. Fyndið hvað borðinn er í nákvæmlega sömu litum og pappírinn þó hann sé úr Söstrene Grene og ekki bofs tengdur pappírnum :o) Ef einhver veit hvar hægt er að fá skjannahvítan vatnslitapappír má gjarnan láta mig vita, mér fyndist fallegra þegar maður er að nota hvítt að hann sé líka hvítur en ekki svona off-white.
Þetta fljótgerða sett af tækifæriskortum gerði ég til að prófa fleiri af nýju íslensku textastimplunum frá Scrapmagasinet. Mér finnst þeir frábærir og hægt að nota þá á svo marga vegu.
Kláraði þetta afmæliskort á methraða í gærkvöldi, var í smá tímapressu. Kannski ekki alveg eins mikið litasamræmi og ég hefði viljað, en ... jújú ... alveg ágætt held ég.
Loksins gaf ég mér tíma til að gera kort eftir skissu frá stelpunum í DT-inu hjá Scrapmagasinet. Ég var búin að hlakka mikið til að prófa nýju íslensku textastimplana frá Scrapmagasinet og þetta er fyrsta kortið þar sem ég nota þá. Ég er mjög ánægð með þá og á pottþétt eftir að nota þá heilmikið :o)
Hér kemur lítið áttræðisafmæliskort. Ég held að það sé nú bara frekar Önnulegt og ekki mikið meira um það að segja :o)