Þema vikunnar á A Spoon Full of Sugar er brúðkaup. Ég lyfti brúðhjónunum upp með 3D púðum og setti glimmer á skartgripina hennar og beltissylgjuna hans en það sést ekki vel á myndinni.
Áskorun vikunnar á Sukkersött er að nota bara mismunandi tóna af einum lit á kortin. Mér finnst nú litirnir í þessari mynd eitthvað skrítnir, pappírinn sem er á ská undir trénu er ekki svona mikið öðruvísi brúnn í raun og veru !!
Síðasta áskorun fyrir sumarfrí á Skrapp í {kort}er er að nota borða og blóm. Þetta rósótta er borði þó það líti kannski ekki út fyrir það á myndinni. Skissan sem ég fór eftir er svo af Friday Sketchers, en ég bætti samt við einu lagi af pappír. Notaði nýju "spacerana" mína í fyrsta sinn og notaði silfurlituð splitti með.
Whiff of Joy er að koma með nýja stimplalínu sem verður hægt að panta þann 14. júní. Þetta eru æðislegar myndir af brúðhjónum og litlu barni.
Dömurnar á Sukkersött áskoranablogginu eru komnar með nýtt blogg sem heitir Sukkersöte kreasjoner. Þar ætla þær að sýna ýmislegt sem þær finna í bloggheimum og langar að vekja athygli á. Það verður spennandi að fylgjast með þessu nýja bloggi hjá þeim og láta mata sig á snilldarverkum flinkra kortagerðarkvenna um allan heim :o)
Vá, ég hef aldrei fyrr sameinað 4 áskoranir í eitt kort !!! Skissan er af Sketch Saturday, á High Hopes á að nota brúnt og bleikt, á Spoon full of sugar á að nota blúndu og á Cute Card Thursday á að nota bling.
Áskorunin á Skrapp í {kort}er að þessu sinni er að fá innblástur úr þessari mynd frá Pottery Barn. Mér finnst þessi litasamsetning æðisleg og notaði hana ásamt viðarmynstrinu og járnhjólunum á borðinu sem ég líkti eftir með járnlituðu splitti.
Ég sameinaði tvær áskoranir í þetta kort, skissuna af Friday Sketchers blogginu og áskorunina af Just Magnolia blogginu þar sem á að sauma.
Áskorun vikunnar á Skrapp í {kort}er er doppótt. Undir venjulegum kringumstæðum myndi ég líklega ekki gera kort svona svakalega doppótt, en það er einmitt það skemmtilega við að taka þátt í áskorunum, þetta með að fara aðeins út fyrir þægindahringinn og gera eitthvað annað en það sem manni kemur sjálfum fyrst í hug :o)
Áskorun vikunnar á Cute Card Thursday blogginu er "spegill spegill - eitthvað gljáandi". Borðaskrautið sem ég notaði á þetta kort er spegill þannig að það smellpassar í þessa áskorun :o) Í þetta sinn skreytti ég 3 hliðar á kortinu ... tja eða allavega 2 1/2 !!