Þessa opnu lét ég í einn jólapakkann, þetta er önnur opnan af aðeins tveimur sem ég hef skrappað á árinu, ég hef meira verið í kortagerðinni.
Það er skissuáskorun á Corrosive Challenges blogginu þessa vikuna. Ég var svo ánægð með pappírinn sem ég notaði á síðasta korti að ég notaði hann aftur í þetta kort. Myndin af kortinu er hræðileg, en ég get ekki beðið eftir dagsbirtu til að taka myndina því að ég er að fara að gefa kortið á eftir.
Á sama hátt og þegar stundum gengur allt á afturfótunum þegar ég er að koma saman korti þá gengur stundum allt eins og í sögu. Þannig var það með þetta kort, það small bara saman og ég er mjög ánægð með útkomuna jafnvel þótt mér hafi oft tekist betur upp með litunina :o) Áskorunin á Just Magnolia blogginu er "distressing" og skissan er af Sketch Saturday blogginu.
Þetta afmæliskort gaf ég góðri föndurkonu í gær og held að hún hafi bara verið nokkuð ánægð með það :o)
Mig langaði að prófa að nota þennan sæta baby-borða þannig að þetta kort varð eiginlega til í kringum hann :o) Engin áskorun í þetta sinn, bara svona "af því bara" :o)
Á Corrosive áskoranablogginu er áskorun vikunnar sem er að líða að nota bleikt og grænt. Þessu korti smellti ég saman á stuttum tíma því að skilafresturinn rennur út í kvöld.
Annað kort í sömu litum og það síðasta. Mér finnst mér bara hafa tekist nokkuð vel upp með þetta :o)
Þetta kort fer í tvær áskoranir. Skissan er af Friday Sketchers og á Just Magnolia á að nota gráan og bleikan lit, má líka bæta svörtum við. Ég er mjög ánægð með útkomuna. Ég gæti þurft að kaupa meira af gráa pappírnum á útsölunni í Skröppu, finnst hann koma rosa vel út :o)
Þetta kort fer í áskorun vikunnar á Cute Card Thursday blogginu sem er að nota gult og svart.
Þetta kort gerði ég í vikunni, en gleymdi að setja það hér inn í tæka tíð fyrir áskorunina sem það átti að vera með í :o/