Áskorun vikunnar á Sukkersött blogginu er vængir/englar. Tilda er með litla vængi og svo eru þarna líka fjaðrir og fiðrildi.
Þetta kort er mitt framlag í áskorun nr. 33 á Sukkersött blogginu. Í þetta sinn á að gera kort sem er "clean and simple" þ.e.a.s. einfalt með litlu skrauti. Ekki alveg minn stíll, en góð tilbreyting engu að síður :o)
Þetta kort gerði ég fyrir áskorun nr. 32 á Sukkersött blogginu, en ég er ekki viss um að það nái að vera með. Ég athuga það betur. Þetta er litaáskorun, brúnt, bleikt, eplagrænt og blágrænt eru litirnir sem á að nota. Þetta er í fyrsta sinn sem ég skreyti allar 4 hliðar korts, hef stundum skreytt fleiri en 1, en aldrei fyrr allar 4. Það kom nú aðallega til af því að ég vildi hafa peningavasa innaní og svo vatt þetta upp á sig.
Þetta kort gerði ég fyrir áskorunina á Skrapp í {kort}er blogginu. Að þessu sinni er litaáskorun í gangi, nota á svart, hvítt, eplagrænt, ljósblágrænt og gult. Ég er nú bara nokkuð ánægð með útkomuna :o)
Þetta einfalda og fljótgerða afmæliskort gerði ég handa einni í vinnunni hjá mér. Ég bara varð að nota þennan stimpil frá Scrapmagasinet því að mér finnst hárgreiðslan svo lík hári viðtakandans :o) Þetta er mitt framlag í áskorunina sem er í gangi núna hjá Scrapmagasinet DT-stelpunum.
Þessi tvö gamaldags kort gerði ég um daginn og notaði myndir sem ég prentaði út af netinu. Engin skissa, engin áskorun, bara eitthvað sem mig langaði að gera :o) Mér finnst skemmtilegt að nota svona myndir með, svona til að breyta aðeins til frá stimplunum. Kringlótta miðann og pappírinn undir myndunum prentaði ég líka út og stimplaði svo afmæliskveðju á þennan kringlótta.
Áskorun nr. 4 í afmælisvikunni hjá Kimmie. Ein áskorun á dag hjá henni í heila viku, ég næ nú örugglega ekki að gera þær allar. Áskorunin í þetta sinn er að nota dýrastimpil og borða. Ég held að ég hafi gert svipað kort í fyrra, en það er nú allt í lagi, þetta er örugglega flottara :o)
Fyrsta áskorun afmælisvikunnar hjá Kimmie :o) Áskorunin er að gera afmæliskort og nota fjólublátt. Ég veit ekki hvað það er, en ég er ekki alveg sátt við þetta kort. Það verður samt að duga, fyrst ég veit ekki hvað það er sem angrar mig við það get ég varla breytt því :o)
Áskorunin í þetta sinn hjá Scrapmagasinet DT-stelpunum er að nota rautt og bleikt. Ég er ekki vön að nota þessa liti saman, en ég er samt ánægð með þetta kort.