Annað kort fyrir áskorun #5 á Skrapp í {kort}er blogginu þar sem á að nota slaufur/borða. Ég er að koma mér í strákagírinn, þarf nefnilega að gera nokkur strákakort.
Þetta einfalda kort ætla ég að senda gömlum manni í henni Ameríku, hann er reyndar afi Tinu sem á High Hopes stimplabúðina. Ég lét súkkulaðistykki fylgja með og braut kortið til að passa utan um það. Slaufan er bara límd undir textanum og svo bundin utan um allt saman. Ég notaði skissu #35 frá Katharinu. Þetta kort er mitt framlag í slaufuáskorunina á Skrapp í {kort}er blogginu. Hér er svo hægt að lesa um ástæðu þess að ég er að senda afanum þetta kort :o)
Ég ákvað að skreyta box undir myndir eftir skissunni á Sukkersött blogginu. Fresturinn er alveg að renna út, ég rétt næ líklega að smella þessu inn hjá þeim :o) Ég hef ekki tíma til að bíða til morguns þannig að lýsingin í myndunum er því miður ekki góð.
Loksins er ég farin að gera kort aftur eftir jólatörnina :o) Þetta er fyrsta kortið sem ég geri í margar vikur sem er ekki jólakort. Katharina er með skissuáskorun í gangi til 4. janúar og ég ákvað að drífa mig og taka þátt því það er allt of langt síðan ég hef tekið þátt í áskorunum.
Úff, langt síðan ég hef sett nokkuð hér inn. Ég er búin að klára öll jólakortin sem ég ætla að búa til fyrir þessi jól - 45 að tölu - og er ekkert smá ánægð !! Átti ekki von á að klára áður en desember rynni upp :o) Svona til að halda upp á það koma hér tvö af þeim.
Þetta er í fyrsta sinn sem ég hef sameinað tvær áskoranir í eitt kort :o) Áskorun vikunnar á High Hopes blogginu er að gera jólakort með óhefðbundnum litum og skissan er áskorun vikunnar á Friday Sketchers blogginu.
Loksins dreif ég í því að gera kort fyrir fyrstu áskorunina á nýja íslenska áskoranablogginu Skrapp í {kort}er. Áskorunin er að gera síðu eða kort með distressed/gamaldags lúkki. Og þar sem ég er að reyna að potast áfram með jólakortagerðina þá varð þetta jólakort til og mér finnst það bara koma vel út :o) Liturinn á textahringnum er eitthvað brenglaður á myndinni, hann er mun líkari hinum brúnu litunum í raun og veru.
Þetta jólakort gerði ég eftir skissu vikunnar á Friday Sketchers áskoranablogginu. Ég er nú ekki alveg nógu ánægð með það en læt það samt flakka.
Tvö jólakort í viðbót. Þessi gerði ég eftir skissum á blogginu hennar Katharinu. Skissurnar hennar eru frábærar, það er auðvelt að finna einhverja sem hentar því sem maður er að gera hverju sinni.
Jæja, nú er ég komin í jólakortagírinn :o) Þetta er mitt framlag í áskorun vikunnar á norska Sukkersött blogginu. Í þetta sinn á að nota tvo liti, grænt og brúnt. Vonandi slepp ég með hvítu snjókornin !! Það er smá glimmer á loðnu köntunum á fötunum hennar þó það sjáist ekki vel á myndinni.
DT-ið hjá Scrapmagasinet er með áskorun að gera eitthvað annað en kort. Þessi minnisblokk er alls ekki stór, ég vona að ekki sé stærðarlágmark þannig að hún sé gilt framlag. Neðri myndin sýnir bakhliðina.