Katharina er að opna nýja vefverslun með stimpla. Hún er að
auglýsa eftir gestahönnuði og umsækjendur eiga að gera kort eftir þessari skissu. Ég ákvað að senda inn kort að gamni mínu og gerði þetta 50 ára brúðkaupsafmæliskort. Þó að kortið sé hjartalaga fór ég samt eftir skissunni :o). Fullt af gylltu skrauti þar sem 50 ára er gullbrúðkaup og ég reyndi að taka myndina þannig að þetta gyllta sæist vel (það sést enn betur ef þú smellir á myndina og skoðar hana risastóra) :o). Litirnir í myndinni af parinu virðast því örlítið fölari en þeir eru í raun. Verslun Katharinu heitir
Whiff of Joy og hún ætlar að byrja að taka
preorder pantanir miðvikudaginn 30. júlí. Hún er með tvo frábæra stimplahönnuði á sínum snærum og stimplarnir eru geggjað flottir :o)
Katharina is opening a new stamp shop. She has a
guest designer call and for fun I decided to give it a try. As you can see I followed the sketch given although the card is heart shaped :o) The card is for a 50 years wedding anniversary and because 50 years is called gold-anniversary there is a lot of gold on this card. I was trying to take the picture so that you could see the gold edges and all the gold embellies so it looks the sunshine is toning down the colors of the stamped image a bit. Katharina´s shop is called
Whiff of Joy. On Wednesday 30th July she will start taking
preorders and you should take a look at these gorgeous stamps created by two wonderfully talented designers.
Þetta verður síðasta kortið í þessari kortatörn. Framundan er sumarbústaðaferð og ég ætla að reyna að skrappa nokkar síður þar, hef látið það sitja á hakanum í kortaæði síðustu vikna !! Þetta kort tók talsverðum breytingum frá upphaflegri hugmynd eins og svo oft áður, en ég er ekki alveg að fíla blómið, finnst hvítu angarnir eitthvað skrítnir :o/
Þema vikunnar á Cute Card Thursday áskoranablogginu er "inni". Hér er því Tilda á náttkjólnum með morgunkaffið á eldhúsbekknum :o) Eftir nokkurt þóf og vangaveltur um pappírsval er þetta útkoman og ég er bara mjög ánægð með hana.
Þriðja hjartalaga kortið sem ég geri á einni viku. Held ég geri ekki fleiri hjartalaga í bili ;o) Held að ég sé ánægðari með hitt brúðarkortið sem ég gerði fyrir fáeinum dögum, en nenni ekki að velta þessu lengur fyrir mér og læt það vera svona.
Stelpurnar í DT-inu hjá Scrapmagasinet eru með áskorun. Ég er með seinni skipunum að klára, síðasti dagurinn er í dag. Skilyrðin eru að kortið á ekki að vera ferkantað í hefðbundinni stærð, það á að nota rautt, appelsínugult og stimpil frá Scrapmagasinet. Ég er nú bara nokkuð ánægð með útkomuna :o)
Eitt kort á dag kemur skapinu í lag :o) Og meðan ég er í sumarfríi get ég leyft mér að sökkva mér meira ofan í kortagerðina en aðra daga :o) Finnst ykkur þessi stimpill ekki passa ótrúlega vel við áskorun vikunnar á Cute Card Thursday áskoranablogginu sem er "Things that grow"? Það er nefnilega ekki bara gróður sem vex ...
Ég gerði tvö svipuð kort með áskorun vikunnar á Tilda & Co áskoranablogginu í huga og get ómögulega gert upp á milli þeirra. Þessa vikuna er þemað skordýr :o)
Ég er nú ekkert alltof ánægð með þetta kort og var að hugsa um að setja það alls ekki á netið. En læt það nú samt flakka í Cute Card Thursday áskorunina. Þessa vikuna á að gera kort með bara dýrum, engu fólki.
Þetta kort er mitt framlag í kortaáskorun sem Heather er með á blogginu sínu. Kíkið endilega á þetta, hún er með verðlaun í boði. Helst á að nota stimpil frá Scrapmagasinet og það gerði ég einmitt, en það er þó ekki nauðsynlegt :o)
Þetta kort gerði ég fyrir Sarah Kay áskoranabloggið. Áskorunin var að nota fjólubláan lit á kort. Ég nota nú ekki oft fjólublátt, en mér finnst þetta kort bara koma vel út. Ég var að nota Sarah Kay stimpil í fyrsta sinn (fékk hann lánaðan hjá góðri konu) og fannst það vel við hæfi þar sem þetta var fyrsta áskorunin á þessu Sarah Kay bloggi. Ég þarf nauðsynlega að fá mér nýjan blender-penna, mínir eru báðir orðnir hálf þurrir og ómögulegir :o/